Linda Koudache

Ad d-ḥkuγ taqbaylit

Linda Koudache, Lliγ uqbel ad iliγ


Ddunit-im d aceṭṭiḍ n rruḥ-iw

Azeṭṭa yerqem s usefru

Lqima-m sennig wallen-iw

Yettidir umdan iceffu


Laεtab-im refdeγ-t γef uqerruy-iw

Tiziri tellem asefru

Tiγri-m tekka-d seg wul-iw

Tewwi-d lehna deg unebdu


Tilelli-m d iṭij n rruḥ-iw

Aḥelles n tamaziγt ur yettnuzu

Nnif-im d taεessabt γef uqerruy-iw

Tafsut n lfeṭṭa ad d-teddu


Tidi-m smareγ-tt γef umezruy-m

Zzman fell-am ad yecfu

Fatma n Sumer, n At Mensur, Dihya

Tara n tlelli teṭṭerḍeq d ccetla


Nekk d kemm

Nekk d nettat

Nekk d nekk

D tameṭṭut taqbaylit nekk…