Zimu d amyaru. Hca yessuγed kra n tullizin-ines. Cebḥent nezzzh . Ukkis :
Timγarin-nneγ
Timγarin-nneγ ḥemlent awal, d axeṣṣar . D acu kan, di tegnitt n Furaṛ irewwi-d uḍemmin-nnsent d amessas imi tignawt ur tettbadda ara γef yiwen wawal ; tettneqlab. Acḥal d tikelt, mi d-tban tafukt, ad d-tessufeγ timγarin, ad d-mḥedwalent ssya u ssya, awal yettawi-d wayeḍ, wayeḍ yettawi-d gma-s. Akken kan ara d-stafint i wawal ad sent-yehwu yiγimi, ad d-yuγal usigna, ur uḥtament, netta daγen, asigna di Furaṛ , am yir inebgi, ur ittcawar ara, hakan ad d-isqulles. "Asigna d yir netta", i s-qqarent ahat emγarin. Mi d-icberber nnig-nnsent, ad yeglu s tili d usemmiḍ, dγa ad d-teγli tsusmi gar-asent am wedεil wergin nurad. Ad yennerni usemmiḍ ad ttnnerni tsusmi yid-s. Akken kan ara ḥulfunt temγarin-nni i tsusmi tetteqes ulawen-nnsent d usemmiḍ iskuṭṭuf di tfekkiwin-nnsent tukmicin, ad refdent tilmesyar-nnsent ad kecment s axxam. Deg wexxam daγen ad uγalent ad sqizzbent i Ikanun ğğan-t γef wudem n tafukt n Furaṛ timṣeḍḥit. Lkanun, netta, ur issin ara cceḥna, ad tentimager s wul.
Ala timγarin i s-issnen i Lkanun, netta yeẓra ayenni, mi ara d-teqqim temγart tama-s ittḥulfu mi ara tebdu asxejweḍ di tirgin γef-i yesseḥbaber, ittḥulfu i ufus-nni yeεyan mi ara t-yeskikiḍ s wesγar m'ara s-d-iferren di tigermin-nni uẓebbuj yezzan di tafukt ṣṣmayeme. Akken ara megrent γer irebbi-s ad t-id-tuγal terwiḥt, ad yizwiγ wudem-is. Lkanun iḥemmel timγarin. Issen ad tent-imager m'ara d-rewlent i tnecnact n Furaṛ . Izmer i lbaḍna-nnsent, mi d-iqqiment γer yiri-s ad d-εiwdent akk deg wallaγ-nnsent i wayen nnant d wayen slant, yal imesli ad yaγ amkan-is, aẓayan akk deg yimeslayen ad d-yufrar iḍ-nni zdat n teslit.
D iṭij ad d-ffγent temγarin, d asigna ad kecment s ixxamen ; llan wussan deg i sent-iḍeṛṛru waya tlata n tikwal.
Nna Malḥa, ula d nettat, tḥemmel tafukt di Furaṛ . Ad teqqim kan ad d-tessiwel : « ... wa akka ? Yya awi-yi-n s iṭij... ». Win yellan deg-nneγ ; ama d Zizi, ama d nek d yemma nγ d Nna Dehbuc, ad ttid-nessuffeγ yer yiṭij. Ad teqqim γef tsumta-ines, ad teẓẓel iḍarren-is, ad teqqar « ccah ? ? ». D acu kan, nettat, ur tettγimi ara d temγarin nniḍen. Nettat ur tetteffeγ ara, nutenti ur d-keččment ara.
yella usirem ameqqran m'ara nzeṛ wigi yettarun akka ass-a, yarna snnen ad arun, ayγer ? acku aγbel ameqqran n yidles am yidles nneγ (yezggan d imawi seg assen id yennulfa γer ddunit) d asεeddi ynes γer weḥric-agi n tira ! (ad ittwaru), amek ad nettaru yarnu ur s-nberru i tmeslayt akken ttheddren imezwura nneγ ! ma nessaweḍ nefhem aya, atan d nekkni i yesεan tasekla, d nekkni ara d-yeffγen si tegnitt i deg nella ass-a (d idles i d lssas unerni n kkulec !) yarnu s tidett.
ihi atan imyura-y-a id yettnulfun akka tura, aṭṭas degsen uffan-as aqqeru, snnen amek tleḥḥu tsekla,snnen-as i wawal.
Wigi d sin ividiyeonen i d-dderiγ di Dailymotion γef Tsekla n Tmaziγt. D yiwet n tadwilt n Radio tis nat, n Massa Zirari i d-sekleγ. Ccebḥaγ-tt-id s kra n tugniwin n yedlisen d tidak yemyura-nneγ. Massa Zirari tεerḍ-d di tadwilt-agi sin iselmaden n tesdawit n Tiziwezzu yessnen akken ilaq tasekla n Tmaziγt : S. Chemakh d M. A Salhi. Tura llan kan kan sin yeḥricen (si 4)
3 commentaires:
Zimu d amyaru.
Hca yessuγed kra n tullizin-ines. Cebḥent nezzzh .
Ukkis :
Timγarin-nneγ
Timγarin-nneγ ḥemlent awal, d axeṣṣar . D acu kan, di tegnitt n Furaṛ irewwi-d uḍemmin-nnsent d amessas imi tignawt ur tettbadda ara γef yiwen wawal ; tettneqlab. Acḥal d tikelt, mi d-tban tafukt, ad d-tessufeγ timγarin, ad d-mḥedwalent ssya u ssya, awal yettawi-d wayeḍ, wayeḍ yettawi-d gma-s. Akken kan ara d-stafint i wawal ad sent-yehwu yiγimi, ad d-yuγal usigna, ur uḥtament, netta daγen, asigna di Furaṛ , am yir inebgi, ur ittcawar ara, hakan ad d-isqulles. "Asigna d yir netta", i s-qqarent ahat emγarin. Mi d-icberber nnig-nnsent, ad yeglu s tili d usemmiḍ, dγa ad d-teγli tsusmi gar-asent am wedεil wergin nurad. Ad yennerni usemmiḍ ad ttnnerni tsusmi yid-s. Akken kan ara ḥulfunt temγarin-nni i tsusmi tetteqes ulawen-nnsent d usemmiḍ iskuṭṭuf di tfekkiwin-nnsent tukmicin, ad refdent tilmesyar-nnsent ad kecment s axxam. Deg wexxam daγen ad uγalent ad sqizzbent i Ikanun ğğan-t γef wudem n tafukt n Furaṛ timṣeḍḥit. Lkanun, netta, ur issin ara cceḥna, ad tentimager s wul.
Ala timγarin i s-issnen i Lkanun, netta yeẓra ayenni, mi ara d-teqqim temγart tama-s ittḥulfu mi ara tebdu asxejweḍ di tirgin γef-i yesseḥbaber, ittḥulfu i ufus-nni yeεyan mi ara t-yeskikiḍ s wesγar m'ara s-d-iferren di tigermin-nni uẓebbuj yezzan di tafukt ṣṣmayeme. Akken ara megrent γer irebbi-s ad t-id-tuγal terwiḥt, ad yizwiγ wudem-is. Lkanun iḥemmel timγarin. Issen ad tent-imager m'ara d-rewlent i tnecnact n Furaṛ . Izmer i lbaḍna-nnsent, mi d-iqqiment γer yiri-s ad d-εiwdent akk deg wallaγ-nnsent i wayen nnant d wayen slant, yal imesli ad yaγ amkan-is, aẓayan akk deg yimeslayen ad d-yufrar iḍ-nni zdat n teslit.
D iṭij ad d-ffγent temγarin, d asigna ad kecment s ixxamen ; llan wussan deg i sent-iḍeṛṛru waya tlata n tikwal.
Nna Malḥa, ula d nettat, tḥemmel tafukt di Furaṛ . Ad teqqim kan ad d-tessiwel : « ... wa akka ? Yya awi-yi-n s iṭij... ». Win yellan deg-nneγ ; ama d Zizi, ama d nek d yemma nγ d Nna Dehbuc, ad ttid-nessuffeγ yer yiṭij. Ad teqqim γef tsumta-ines, ad teẓẓel iḍarren-is, ad teqqar « ccah ? ? ». D acu kan, nettat, ur tettγimi ara d temγarin nniḍen. Nettat ur tetteffeγ ara, nutenti ur d-keččment ara.
ggedha !
yella usirem ameqqran m'ara nzeṛ wigi yettarun akka ass-a, yarna snnen ad arun, ayγer ?
acku aγbel ameqqran n yidles am yidles nneγ (yezggan d imawi seg assen id yennulfa γer ddunit) d asεeddi ynes γer weḥric-agi n tira ! (ad ittwaru), amek ad nettaru yarnu ur s-nberru i tmeslayt akken ttheddren imezwura nneγ !
ma nessaweḍ nefhem aya, atan d nekkni i yesεan tasekla, d nekkni ara d-yeffγen si tegnitt i deg nella ass-a (d idles i d lssas unerni n kkulec !) yarnu s tidett.
ihi atan imyura-y-a id yettnulfun akka tura, aṭṭas degsen uffan-as aqqeru, snnen amek tleḥḥu tsekla,snnen-as i wawal.
tannemirt a Zimu
ar zdat a yatmaten.
Azul,
Wigi d sin ividiyeonen i d-dderiγ di Dailymotion γef Tsekla n Tmaziγt. D yiwet n tadwilt n Radio tis nat, n Massa Zirari i d-sekleγ. Ccebḥaγ-tt-id s kra n tugniwin n yedlisen d tidak yemyura-nneγ. Massa Zirari tεerḍ-d di tadwilt-agi sin iselmaden n tesdawit n Tiziwezzu yessnen akken ilaq tasekla n Tmaziγt : S. Chemakh d M. A Salhi.
Tura llan kan kan sin yeḥricen (si
4)
http://www.dailymotion.com/ziri95/
Enregistrer un commentaire